Berdindu!

Eusko Jaurlaritzako Enplegu eta Gizarte Gaietako Sailak sustatutako zerbitzu publikoa da BERDINDU!, generoko eta familiako sexu aniztasunari lotutako gaietan informazioa eskaintzea eta pertsonak artatzea helburu duena.

BERDINDU!k laguntza emozionala eta soziala eskaintzen die LGTBI pertsonei, beste edozein pertsonen pareko eskubideekin gizarteratzeko behar duten emozio osotasuna lortzeko asmoz. Horretarako, pertsona horiekin lan zuzena egiteaz gain, familiekin eta ikastetxeekin ere jarduten du.

berdindu-berdindu-eskolak-01

Berdindu Eskolen alorrari dagokionez, EAEko lehen eta bigarren hezkuntzako irakasleak sexu aniztasunaren alorrean trebatzea da gure lan ildoetako bat. Hezkuntzako 2.700 profesionalek baino gehiagok hartu dute parte gure prestakuntza saioetan eta, horri esker, ikasgelan nahiz ikastetxean sexu aniztasunaren alorrean hezkuntza egokia jorratzeko ezagutzak, tresnak eta materialak eskuratu dituzte.

Berdindu Eskolen bigarren ardatza zera da: irakasleei eta ikastetxeei aholkularitza zerbitzua eskaintzea, LGTBI bazterkeria, bullying homofoboa eta beste gertatzen direnean nahiz ikastetxean adingabe transexualak daudenean. Berdindu Eskolek, eta ondorioz Guztiok Elkarteak, etengabeko lankidetza jorratzen dute Berritzeguneekin, Hezkuntzaren berrikuntzarako eta hobekuntzarako laguntza zentroekin.

Informazio zehatzagoa nahi izanez gero, jo Eusko Jaurlaritzaren webgunera.

Harremana

Gurekin harremanetan jartzeko, inprimaki hau erabil dezakezu, edota mezu elektroniko bat bidali

berdindu.eskolak@guztiok.org

644 770 031

Hasi idazten eta sakatu Enter bilaketa egiteko